Istebeta y Blun, no guaire dublineses (4)

Blun, a cucha; Istebeta, a dreita. Personaches y nomes fitizios inspiraus en ista foto feita per niqmad

Blun: (Brincant de contento, como asobent.)
Iste disate he gozau
como no el feba fa diyas.

Istebeta:
Ya sabeba que el tantrismo
t'eba de dar nueba bida.

Blun: (Llicherament encarrañau, pero sin esbarrar-se d'el suyo discurso.)
He estau con els CCC;
sin faltas y en armonía.

Istebeta:
U seiga, que has aprendiu
acurdión y ortografía.

Blun: (Asabelo d'encarrañau.)
No, señorica, que sem
els que chuntos fem faixina
en Cívica Convivencia
Catalana.

Istebeta:
.................. Caja & Cía?

Blun:
Ixo mesmo; y lo millor,
la "Cía" que i asistiba:
don Alejo, la Falange
y els de "Stop la Traiduría!".

Istebeta:
¿Y no i estaba un mesache
de la facaoería?
¿U bel miembro d'ACALALA:
la FACAU con trazas finas?

Sent sozios de Plataforma,
prou ben que i acudirían;
si no, serían uns fillos...
y éls només son una FILLA.

Blun: (Un poquet farto de las cantaladas d'Istebeta.)
No el sé, pero sé que ñeba
una zagala ben pincha
que aplaudiba a don Alejo
y que Eva Miquel se diba.

Istebeta:
Oi!, si la beye su pare,
dende CiU le cantaría:
"Si yo tenise un buixet,
cuánta broza llimpiaría!"

(Istebeta salle galeyant ta escapar-se de Blun, que l'enriste meyo afogau.)

Nota: Continan els problemas audio-informaticos y no puedo posar els "bersez rezitaus"

Chiradas anteriors d'Istebeta y Blun:

Istebeta y Blun, no guaire dublineses (1)

Istebeta y Blun, no guaire dublineses (2)

Istebeta y Blun, no guaire dublineses (3)