Querellas de Guineu-Segismundo

Guineu-Segismundo (Segismundo, como é de dar, é el personache de La vida es sueño)

Facao interpone tres querellas por presuntas calumnias y difamaciones

Guineu-Segismundo:

Només ficar-se a escribir
Genet las suyas nobelas
-u Fassbinder a fer pelas
filmant ixe malbibir-,
a l'inte beigo sallir
de la més fusca catella
que fa d'el mardano güella
querellas a camatons:
¿y, rimant yo perbersions,
no tiengo dreito a querella?

Només formar l'Academia,
els franzeses -tan rarizos
que ta éls, mesmo en cañizos,
la beta fiera é blasfemia-
a l'inte, como epidemia,
parten en dos la capiella
-traza nueba, traza biella-
con querellas d'estetica:
¿y -pos no discuto mica!-
no tiengo dreito a querella?

Només dir que els de FACAU
fan cultura de totón
y que si ban ta Monzón
el ferial ha empiyorau,
a l'inte está querellau
qui, ben p'el rete u per fuella,
ha mobiu la ramatiella
y, de paso, Manel Riu:
¿y yo, que els he perseguiu
no tiengo dreito a querella?

Y plegant a ista pasión,
un bolcán, un Etna feito,
querría arrincar d'el peito
a trozez el corazón;
¿cuála llei u cuál ragón
a ista Guineu ha proibiu
el que prou ha conzediu
ta ixa mezcla d'intereses:
Genet, Fassbinder, franzeses,
"Lo català" y Manel Riu?


Bersez en aragonés ribagorzán