Aleluyas de Sietemo

Portalada d'el llibre O manantial de Sietemo VII, replega d'els testos que ban ganar el concurso literario "Billa de Sietemo" de 2003

Cuan tos bague leyer ta iste Nadal,
astí teniz el llibre més plural:

si estimaz el bocable ben preziso,
Carmina tos n'amostra el Paraíso;

poliu, esbergoñau -fuyiz, beatas!-,
ansotaneya cados Óscar Latas;

muñeiras coixas -"Brutus, ixo fas?"-
abienta per las bals Chabier Tomás;

malinconico esprito d'el panal
s'ixambra per la prosa de Chazal;

con cantas d'autopista, nuebo Arión,
la placha baixo els ruellos busca Usón;

y estroliqueya -Dios de rayo y trueno
con zelos desfermaus- Chuan Carlos Bueno.

Cantals que fan muntón ben asentau,
encara que belún s'aiga eSLAbau.


Bersez en aragonés ribagorzán