Me cago en tu!

"...feba el hippy fumant, feba bersos de tuna y aplegaba zien gatez perdius."

Yo en aquel inte bibiba en la lluna,
els plazers mundanals els teniba proibius:
feba el hippy fumant, feba bersos de tuna
y aplegaba zien gatez perdius.

Ah ah ah ah, me cago en tu!
Ah ah ah ah ah, seigo un zebú!

Plobeba firme, cuan siento que trucan;
m'apreziso ta ubrir -será un altro gatet-
y astí beigo un tigret (que tamién se trafucan):
ebas tu, felino muixadet.

Ah ah ah ah, me cago en tu!
Ah ah ah ah ah, seigo un zebú!

Güellos biesaus y color de pistacho,
dulzement m'has tendiu pateta de cotón;
m'afalaga trobar gatos sin de mostacho
y que el Sesto no respetan pon.

Ah ah ah ah, me cago en tu!
Ah ah ah ah ah, seigo un zebú!

El rebullón de la miya cabana
me l'han feito nobal las tuyas chobentuz
y ta els bersos, gatez y la grifota afgana
tu has estau simient d'aigua y de lluz.

Ah ah ah ah, me cago en tu!
Ah ah ah ah ah, seigo un zebú!

Pero s'esmuye el tiempo y en agosto
calorota y fezfez l'amor te ban pansir:
esgarrabas bersez, me cremabas el costo
y a'ls gatez no dixabas tartir.

Ah ah ah ah, me cago en tu!
Ah ah ah ah ah, seigo un zebú!

Ta rematar -bai qué fiel més negrizca!-,
cuan ya no ba quedar cosa en el minchador,
te'n bas ir ta buscar la més llustrosa pizca
entre garras de bel capador.

Ah ah ah ah, me cago en tu!
Ah ah ah ah ah, seigo un zebú!

Ya ñeba prou d'els cuernos de sanselo
y, per mor de fuyir la burla a cuatro mans,
m'he llebau els bersez, gatos, costo enta el zielo
y en la lluna pencho els chiracans.

Ah ah ah ah, putain de toi!
Ah ah ah ah ah, pauvre de moi!


Bersez en aragonés ribagorzán

La mosica orichinal

La mosica orichinal en una bersión ben rariza

La lletra orichinal