Istebeta y Blun, no guaire dublineses (1)

Blun, a cucha; Istebeta, a dreita. Personaches y nomes fitizios inspiraus en ista foto de niqmad



Blun:
Istebeta, l'has beyiu!?

Istebeta:
Que ya ha naixiu Alionor?

Blun:
No fateyes, per fabor!!

Istebeta:
Quemesió! Que tu és de CiU?

Blun:
¡¡Sí, tamién, y chugo y flechas
me'ls he ficau per repipi!!
Tu, a més de gafez de hippy,
¿tiens tozuelo entre las mechas?

¡¡Que te charro d'ista España,
que se chira, se trescola,
se remata, s'acotola
y s'ennebusquia sin traña!!

Istebeta:
La nieu caye y no biens tu
ni de tardis ni de nueis...

Blun:
Ixo é tot el que tu beis?
Tot s'amorta y tu ni mu?

Istebeta:
Alionor fará que el gris
que chela totas las flors
seiga simient de colors
ta un reinau de "love and peace".

Blun: (Aparti, encarrañau.)
¡Dende que han dixau sadetas
Aznar y Jorge Borrás,
iste partiu ya no é pas
el de las ringleras pretas!