Istebeta y Blun, no guaire dublineses (3)

Blun, a cucha; Istebeta, a dreita. Personaches y nomes fitizios inspiraus en ista foto de niqmad

Blun: (Brincant de contento.)
Iste cabo de semana
he minchau constituzión
y en la Feria de Monzón
he feito la pilazana.

Istebeta: (Con somardería.)
No entiendo qué me quiers dir;
¿me'l repites, si te plaz?

Blun: (Sin apercazar la somardería.)
Te'l repito perque estaz
toz els hippys sin bullir...

Istebeta: (Aparti, fent-se-ne la mofla; y asinas dica el remate.)
Acebes, Rajoy, Zaplana,
Castro, Borrás y Naval
han estorziu el cabal...

Blun: (Sin ascuitar la burla; y asinas dica el remate.)
...iste cabo de semana...

Istebeta:
Con la manifestazión
que els tres d'el PP han ordiu
per lo que mai no han creyiu,...

Blun:
...he minchau constituzión...

Istebeta:
Una llengua de fizión
han boziau els altros tres
one la chent leye a'l bies...

Blun:
...y en la Feria de Monzón...

Istebeta:
Y yo en la miya cabana,
entre cols d'el miyo ortal
que puden a'l natural,...

Blun:
...he feito la pilazana.


Bersez en aragonés ribagorzán