Rimat / Rimau

dilluns, de maig 01, 2006

Zaguer post / Darrer post

Continaz / Continueu

La Guineu prene el sombrero
ta dir-tos que aquí tos dixo
-no to'n fez guaire per ixo-
iste mensache zaguero.
Yo n'he gozau el primero
de las moflas y seriezas
que, sallint como zirezas,
p'el blog han feito camín;
pero ora que ya en dam fin
remero dos no-fatezas.

1. Primera no-fateza (en aragonés, que é l'altra llengua miya, la que alto u baixo he aprendiu perque me feba goyo)


Fumata bianca!
Foto mosical (Ixo cantaran plenas de goyo las monchas carmelitas de Viña del Mar si "Habemus Aragoniam" bel diya, prou que sí!)

¿É posible que ñaiga un Aragón
que no seiga como iste que ñai ora?
¿Bendrá diya -no güe, no pas maitín-
en que d'implaz se i charre aragonés?
¿Ie bibirem tamién en catalán
-sin amolar, quietez en nuestra Francha-?

Cuan, fent güellos guerchez, enta la Francha
se mos miran d'adintro d'Aragón
y sienten un chalfego catalán,
somiziegos beluns se tornan ora
y les tremola l'esmo aragonés
pensant que catalans serem maitín.

Belatros se demandan si maitín
-antiparti d'istorias de la Francha-
s'ascuitará el fierizo aragonés,
"mancilla del Gran Reino de Aragón",
difuera d'els llugars one chaz ora
amagau molto més que el catalán.

Aquéls? Sienten medrana a'l catalán
(ya ayere la sentiban -y maitín?-)
y encá ne sienten més cuan beyen ora
que talment una Llei dixe a la Francha
ablar, seguntes éls, en Aragón
la llengua de qui é mal aragonés.

Istes? Tanto les da l'aragonés,
pero de Cataluña el catalán
les plega como abiso ta Aragón
y s'entrefilan que pasau maitín
Aragón será odiau -segunda Francha?-,
u seiga que ya estam prou ben per ora.

Istes y aquéls aquí continan ora,
mientres s'amorta el pobre aragonés,
mientres dezaga morirá la Francha,
mientres aragonés y catalán
no aduben a esbregar ta bel maitín
l'espuenda barzalera d'Aragón.

Ya tenim Aragón? No pas per ora.
Maitín se i charrará en aragonés?
Campará el catalán astí en la Francha?


Els bersez rezitaus

Bels testos complementarios:

Una sextina, de Jaime Gil de Biedma
Una altra sextina, de Joan Brossa
Belatra sextina, inspiradora d'el tetulo
Qué é una sextina?
La sextina en debuixo


2. Segunda no-fateza (en catalán, la miya llengua materna, la d'el miyo llugar, una llengua d'Aragón, si mos dixan)


A dalt, la Conca de Tremp i la Conca Dellà (Pallars, Catalunya); al mig, Viacamp (Ribagorça, Aragó); a baix, Montllobar (entre dos aigües)
A dalt, la Conca de Tremp i la Conca Dellà (Pallars, Catalunya); al mig, Viacamp (Ribagorça, Aragó); a baix, Montllobar (entre dos aigües)

Un maití de febrer,
quan encara no s'haiga feit ben clar
–sol d'hivern tardaner–
i cruixa sota els peus la maitinada
coberta de gel prim i de rosada,
pujaré a Montllobar.

Quan la llum vulga ser
–a l'est Pallars, amb boira de fossar;
a l'oest l'espiller
fitó de Viacamp, claror de fada–
guia de les Nogueres renovada,
pujaré a Montllobar.

I, pensant que al rader
de la boira ningú no fa enterrar
el meu català fer
–i la mateixa llengua està enrunada
on s'emmiralla cínica l'albada–,
ploraré a Montllobar.

10 Comentaris / Comentarios:

  • Un plazer siñora raposa. Muitas grazias de corazón. Continarem, continaremos...

    Escrit per / Escribiu per Anonymous amelia; dia i hora / diya y ora dimarts, de maig 02, 2006 7:15:00 p. m.  

  • Quiesto Guineu:

    Sinzeramén, ye l'ultimo que m'asperaba, o trobar-me con un "zaguer post". Y ye que me resisto encara a creyer-lo. Tu, Guineu, o que más fe amuestras d'entre toz nusatros en a esfensa d'as nuestras lenguas patrimonials... albandonas a faina en o que respeuta a o tuyo blog. Qué tristura... Ya sé, ya sé, Guineu, que tu continarás por atros camins treballando de firme, más que dengún, con ixa FE tuya, pero qué pena que nos pribes de poder leyer-te cada pocos días. Porque yo, y muitos atros, somos leutors tuyos, y te tenemos lei, muita lei. U siga, que te queremos de berdá, Guineu. Nos cuaca ixa ironía intelichén tuya, e ixa umor tuya (que tanto manca güei). Nos cuacas como aragonés rezio e insobornable, que adora las fablas d'ista tierra y luitas por ellas. Nos cuacas como persona.

    Guineu, Guineu, yo no me creigo encara que ya no podamos leyer-te a trabiés d'Internet... Ta yo ya yera un costumbre ir a aturar en o nuestro quiesto Rimat/Rimau, o blog de Guineu, "o que nunca dixará la faina, o que siempre escribe y publica, ya faiga bueno u pleba en o corazón".

    Guineu, amigo, dixa que a lo menos me quede con ista asperanza: poder siguir leyendo-te. Dixa que no me creiga que nos dixas sin os tuyos poemas tan majos e intelichens.

    Ya sé que siguirás luitando, Guineu, por atras endrezeras. Pero fa un poder y no nos dixes agora. Nos cal a tuya fe, porque nusatros no la tenemos tan firme y con os alizez tan bien enradigaus como tu. Tu yes una mena de referenzia de constanzia en o treballo por as nuestras quiestas fablas. No lo dixes, Guineu. Continaremos, sí, prebaremos de fer-lo, u lo faremos, pero contina tu tamién con nusatros, porque nos cal a tuya presenzia y a tuya faina. Continemos toz chuntos ta salbar o que os nuestros yayos nos dixón, ixe gran tresoro, Guineu, o nuestro gran tresoro.

    Grazias, Guineu, por o sobrebuén camín que has feito. Y no nos dixes. Ye o mío deseyo. GRAZIAS.

    Chuan Chusé Bielsa

    Escrit per / Escribiu per Anonymous Anònim; dia i hora / diya y ora dimecres, de maig 03, 2006 2:53:00 a. m.  

  • Ups, això no m'ho esperava.
    No sóc un bon exemple per animar-te a continuar, vaig plegar ja fa un temps de blocaire.
    Espero que això sigui el final de la guineu a rimat/rimau, però el naixement d'una altra cosa.
    Au doncs, fins aviat

    Escrit per / Escribiu per Anonymous Putxinel·li; dia i hora / diya y ora dimecres, de maig 03, 2006 11:29:00 a. m.  

  • Vaja Guineu, això si que no ere d'esperar. Trobarem a faltar la ironía, l'humor i la intel·ligència que eixive a borbolls cada cop que clickavem el link del Rimat/Rimau que tenivem a Favorits.

    Sirà difícil acostumar-s'hi.

    Salut, i continuarem...

    Escrit per / Escribiu per Blogger Fogaire; dia i hora / diya y ora dimecres, de maig 03, 2006 1:42:00 p. m.  

  • Paso á dar o pename como en os entierros, yera güena presona, snif, snif,,, continaremos en omenaxe á o suyo nombre

    Escrit per / Escribiu per Anonymous guara; dia i hora / diya y ora dijous, de maig 04, 2006 12:33:00 p. m.  

  • amelia, a fer camín! T'he ficau un binclo en el blog; encá que el tienga parau, bella bisita te chirará. Gracias.

    Chuan Chusé, no me digas ixas cosas que me fas sallir la llarimeta y me fas tenir mala conzenzia per aber dixau el blog. El dixo perque me daba asabelo de faena y no adubiba a tenir-lo autualizau. Isto d'els bersez, prou que el sabes, no é cosa de ora m'i fico i ora están feitos. Els miyos, encá que eban chuzons cuasi toz, tamién me'n daban prou de faena. Ben, cuan puga ya i tornaré. Manimenos, astí i quedaz beluns que no reblaz gota. Contina con els tuyos polius poemas y las tuyas majas pinturas. Mersi.

    putxinel·li, si un blog d'opinió com el teu, que hauries de rellançar (un exemple entre d'altres: aquell post sobre la COPE i la ràdio ruandesa eva boníssim), te costava treball... imagina't els versets! Alguna cosa farem, no et preocupis. Molt agraït, rondinaire.

    fogaire, que me fots roig com un perdigana d'eixes que persegueixes pels sembrats per sentir-les cantar. Quan sigues president trilingüe d'un Aragó trilingüe, recorda-te'n de la Guineu que pujaba a Montllobar cagant-se en tot i fes-mos una Llei de Llengües com cal. Tira amb el teu blog, no m'imites, i merci per tot.

    guara u babebibobu, contina con el tuyo monterrosenco blog. Ora te diré per qué en el binclo d'el tuyo blog i ba ficar ixo de "monterrosenco": perque tú fas posts retallaus, de poquetas parolas, pero las chustas, como Augusto Monterroso feba els suyos rellatos. Un zarpau de grazias.

    Escrit per / Escribiu per Blogger Guineu; dia i hora / diya y ora dijous, de maig 04, 2006 6:18:00 p. m.  

  • Ai, Guineu... que pefa de beyer que toz se despiden d'un blog que dende o prenzipio m'impresionó tanto. Cuánto he parlau d'os tuyos bersos bilingües, d'ixa capazidat que muitos no tenemos...
    Yes un exemplo con o tuyo treballo. Y qué bien que ebas feito o blog!!! con ixas cosas de soniu, con as fotos, siempre con os binclos... Cuánto has treballau aquí? muito... Pero entiendo que as cosas se rematen.

    Yo no sé si duraré guaire. As ilusions y ganas s'acotolan a escape. Y uno no puede perder guaire tiempo en un blog ta cutio.

    Dende que beyé que nos deixabas, dezidié de no sacar o tuyo binclo de Chemecos, ta que a chen continasen dentrando-ie y podesen beyer as marabellas que fas!! Asinas que dica que no lo borres (que espero que nunca no lo faigas), astí se quedará ta o recuerdo.

    (Bels días he continau metendo-me en o tuyo blog ta beyer si renaixeba y que no yera berdat que lo eses deixau. Pero ya beigo que no...)

    Un saludo de corazón.

    Escrit per / Escribiu per Anonymous Charrabís; dia i hora / diya y ora dimarts, de maig 09, 2006 11:47:00 a. m.  

  • Tira, charrabís, que isto l'ez de fer carchutar els chóbens y el tuyo blog carchuta firme con totas ixas notizias ben esplicadas d'el mundet de l'aragonés. Grazias tamién de corazón per tot y no te'n faigas, que la pachina la dixaré ubierta ta cutio (con la permisión de blogger/blogspot), encá que només seiga ta que to i pasez a escuitar l'Arrastrat de Benavarri que ñai a dreita.

    Escrit per / Escribiu per Blogger Guineu; dia i hora / diya y ora dimarts, de maig 09, 2006 7:46:00 p. m.  

  • Guineu, et trobem a faltar!

    Escrit per / Escribiu per Anonymous turrai; dia i hora / diya y ora dilluns, de juny 05, 2006 3:11:00 a. m.  

  • Merci, turrai.

    Escrit per / Escribiu per Blogger Guineu; dia i hora / diya y ora dilluns, de juny 05, 2006 11:39:00 p. m.  

Publica un comentari a l'entrada

<< Home