Rimat / Rimau

dijous, de setembre 01, 2005

Chorche Paniello (soneteyau)

Chorche Paniello, d'Estadilla-Monzón
Foto musical (cal un poquet de pazenzia) de Chorche Paniello (molto més choben que ora, no tos creigaz!)

Per Artieda te ba(i) beyer, Paniello,
y bam ablar de Cleto Torrodellas
-u d'els Cletos: un trallo y dos astiellas-,
y en guardo tres recuerdos con benzello:

ba(i) descubrir que tu ebas el martiello
que claba per Monzón prosas maziellas
-¡te piarem con bentigüeito armiellas
si quiers dixar la Feria antis de biello!-,

ba(i) descubrir que un nino d'Estadilla
podeba replegar mil apegallos
como qui saca a'l Zinca pedreguilla,

ba(i) descubrir que fas ben els estallos
cuan mos dibas: "Qui quier guardar la silla
que seiga onrau, encá que tienga fallos".

Escrit per / Escribiu per Guineu a les / a ras 3:55 a. m.

2 Comentaris / Comentarios:

  • Que te l'has ganato mesache, te foi un presente, d'una mayestra buestra que no l'ez feito encara un omenache...ye escrito en a grafía d'a facao, no pas en a slava ;.) Cudiaté; mallatas.

    A BENABARRE

    En Ribagorza baixa... Tierras pardas...
    Oliberas y güebras... Benabarre.
    Callizos y puyadas. Aquelarres
    de bruxas, engalzás per las baixádas.
    Bailando fantesías cuan, al tarde,
    s’embolica’l castillo’n sombras frías.
    Me paíx qu’esforigas tóz es días
    en lo qu’encara te queda per pasare.
    Dormida capital de Ribagorza
    ¿An tiens as ombres brabos que ban dare
    la bida per obrite güen camín?
    Si cosa puede fete ya siñora,
    ¿Sabrán es fillos que te quedan troballare,
    y date per corona, un limpio fin?

    En Benabarre, á 26 de chinére de 1979
    Niéus Luzia Dueso Lascorz
    “Poemas en Chistabín”, C.F.A. 1980.

    Escrit per / Escribiu per Anonymous Anònim; dia i hora / diya y ora dijous, de setembre 01, 2005 7:53:00 p. m.  

  • "¿Sabrán es fillos que te quedan troballare,
    y date per corona, un limpio fin?"

    Se fa el que se puet, siña Luzía. Se'l diz un ex-alunno d'el curso 1978-1979, cuan busté ba benir-se-ne enta Benabarri ta sustituir a la siñorita Herminia, que estaba en estau. El mismo que ba ascuitar (èbam cuarenta, alto u baixo) ixas parolas antis que se fesen poema: "Busatros sabez qué marabilla de llugar teniz? Me ie han paseyau y... qué puyadas y baixadas! Qué esporches!". El mismo que un diya se ba ficar ben royo perque, mal m'está dir-lo, busté ba dir: "Qui ha escribiu ista redazión? És un poeta, mozet!".

    Grazias, mallatas.

    Escrit per / Escribiu per Blogger Guineu; dia i hora / diya y ora dijous, de setembre 01, 2005 8:42:00 p. m.  

Publica un comentari a l'entrada

<< Home