Sin de notizias d'Antón Lleonardo Collada

Foto musical (cal punchar en o puntet d'a zaguera d'as cuatro canzions: La Tronada de La Ronda de Boltaña)

Un "amplo mar" que soneya,
y que costas griegas baña,
els rondadors de Boltaña
mos trayen de l'Edat Meya.
Y tu, Toni, ixa epopeya
l'has contau, y ara... ¡chitón!:
sin de notizias d'Antón.

Beluns em feito El biache
amagaus en la nau Guara,
y, ya beis!, mos tiens encara
aguardant nuebo mensache.
No se puet ser personache
-Toño, Lluis, Chorche u Ramón-
sin de notizias d'Antón.

Mos darás segunda parte,
per cuentos u per rapsodias,
u a l'inte ñabrá costodias
dica que cadielle l'arte.
Almogabars ñai per Marte
que enduran, luen d'Aragón,
sin de notizias d'Antón.