Silba d'Irene Villa

Irene Villa

Me n'acordo, eba otubre.
Juan Luis Guerra cantaba
d'un campo a'l que el café, plobent, recubre.

El peito me brincaba:
dezaga, indezisions; debant, treballo.
L'agüerro -tranca y ubre-
m'ixufrinaba café, café en orballo.
Qué lluego se ba fer tot menudallo!:
la notizia plegaba,
y las fotos de tú, de tú y tu mare.
Ixo... no... no... Per qué?
Y deseyo que seiga el que no é
y que el plober d'agüerro astí se pare.

Quinze añadas dimpués, Madrid, febrero;
plobe en las abenidas;
beigo imáchens de chents que chilan fuerte;
siento un chilo esclatero
que demanda la muerte
ta qui en conzenzia esplora altras sallidas.
Y te beigo. No chilas -chilo inerte,
parolas desabridas-,
pero astí estás, y l'aigua a yo me surte:
"Ixo... no... no... Per qué?".
Que torne la plobida de café
y que el plober d'ibierno no mo'l furte.


Una altra opinión

Nota: Encá estigo com bels problemas teunicos y no puedo posar els "bersez rezitaus"